《系唔系唔既者》歌詞:by郭炳堅 mp3歌詞


男:嗱,我攬實你條腰真妙嘅,齊共起舞你款擺若條蛇

女:你大話呃我想乜啫,賣下相思黎靠借呀,i don’t know你做乜野

男:你艷麗似天仙應份做世姐

女:下!系唔系嘅啫?

男:實堪許配呢個白面少爺

女:下!系唔系嘅啫?

男:今晚約定無謂辭謝,一心請你去嘟吔

女:咁去邊嘅?

男:都話去嘟吔咯

女:嘿,你有車咩?

男:我買架新賓士呢,正斗車,總系新款嘅呀

女:真開心你系得嘅

男:嗱黎到呢間太白樓,闌麝咁香真少有,裝飾真靚溜,你睇嘉哩賓最上流

女:華貴大方最上流,同聚喜得知心友,今宵真有幸,花開結并頭

男:結婚最緊要講究,豪華場面少有,

女:我聽見心里好笑,佢為人絕冇知丑

男:黎啦大家飲杯酒呢,牛脷炸雞真講究

女:我要燒鵲脷,飲香檳正合我喉

男:你與我訂婚呢千樣有,人地想嫁我我都擰頭

女:實在你點會咁不知丑,賣錯相思,向人地猛挑誘,我不應該向你賣生藕

男:送你別墅一間等第日接收哩,

女:下!系唔系嘅啫?

男:又去日本歐美蜜月旅游

女:下!系唔系嘅啫?

男:我包你快樂如做皇后,心心相印過春秋

女:你靠把口,不靠雙手,咁有乜收啫?

男:你不必憂我有租收,外匯都有架

女:一于走你無藥可救